Aktorja, Emma Stone po i jep një kthesë pozitive ankthit të saj.
Në një intervistë të re, aktorja e “Poor Things”, 35 vjeçe, u hap për ankthin e saj të fëmijërisë, duke treguar se ndërsa fillimisht kishte një kohë të vështirë për t’u përballur me të, ajo gjeti një mënyrë për ta tejkaluar.
“Kam filluar terapinë, mendoj rreth moshës 8-vjeçe, sepse po bëhej shumë e vështirë për mua të largohesha nga shtëpia për të shkuar në shkollë”, tha Stone.
“Kam jetuar në njëfarë mënyre nga frika e këtyre sulmeve të panikut”, ka shtuar ajo.
Aktorja, e cila tha se sulmin e parë të panikut e pati kur ishte 7 vjeçe, shtoi se besonte se burimi i ankthit të saj kur ishte më i vogël buronte nga frika e ndarjes nga nëna e saj.
“Është një moshë e vështirë të jesh në gjendje të arsyetosh me veten, në moshën 7 ose 8 vjeçe, dhe t’i thuash vetes se këto gjëra nuk janë të vërteta. Ishte shumë e vështirë të bindja veten ndryshe”, tha Stone tutje.
Gjithçka ndryshoi, megjithatë, kur Stone filloi të aktronte në moshën 11-vjeçe.
Aktorja tha se zanati i dha asaj një mënyrë për t’u fokusuar në momentin pa u shqetësuar për atë që ndodhi më parë apo çfarë do të ndodhte më vonë.
Ajo tha për median se si aktore, “të gjitha ndjenjat e saj ishin produktive dhe prania ishte e nevojshme”.
Ato përvoja kanë ndryshuar mënyrën se si ajo mendon për ankthin tani, dhe Stone mendon të jetë një gjë pozitive nëse njerëzit dinë se çfarë të bëjnë me të.
“Unë u kam thënë shumë të rinjve që luftojnë me ankthin, se në shumë mënyra e shoh atë si një lloj superfuqie”, tha Stone.
“Vetëm për shkak se mund të kemi një gjë qesharake që po ndodh në amigdalën tonë, dhe përgjigja jonë lufta ose ikja është ndoshta pak e gabuar në krahasim me kiminë e trurit të shumë njerëzve, nuk e bën atë të gabuar. Nuk e bën keq”, shtoi ajo.
Aktorja e “Superbad” ka disa vite që ka folur hapur për betejën e saj me ankthin dhe sulmet e panikut që në vitin 2018.
